ՌԴ Պետդումայի պատգամավորների պատվիրակությունը կուղևորվի Հայաստան և մտադիր է այցելել նաև Գյումրի քաղաք, որտեղ, ըստ հետաքննության վարկածի, 102-րդ ռուսական ռազմաբազայի ժամկետային զինծառայող Վալերի Պերմյակովը սպանել է 7 անձից բաղկացած Ավետիսյանների ընտանիքին: Այս մասին հայտնել է ՏԱՍՍ-ը՝ վկայակոչելով Պետդումայի ԱՊՀ, եվրասիական ինտեգրման և հայրենակիցների հետ կապի հարցերով հանձնաժողովի նախագահ Լեոնիդ Սլուցկիին:
Նրա խոսքով՝ պատվիրակության կազմում կլինեն, մասնավորապես, Լեոնիդ Սլուցկիի առաջին տեղակալ Օլեգ Լեբեդևը, պատգամավորներ Իրինա Ռոդնինան, Բորիս Ռեզնիկը: